حرف آغاز

نئے سال کی آمد پر ہم تمام طلباءوطالبات اورریسرچ اسکالرس کو مبارک باد پیش کرتے ہیں کہ سال گذشتہ کی طرح اس سال بھی بزم ادب شعبہ اردو دہلی یونی ورسٹی کے زیر اہتمام ماہنامہ میگزین”پرواز“ کی اشاعت جاری ہے۔ ”پرواز“ نوعمری کے ساتھ ساتھ پختگی کی جانب گامزن ہے۔ اس کا ہرشمارہ انفرادیت رکھتا ہے کیونکہ شعبہ کے تمام طلباءاپنی تخلیقات کے ذریعے اس میگزین کو بہتر سے بہتر بنانے میں کوشاں ہیں۔ بزم ادب کے اراکین ان کی محنت وجستجوکو سلام کرتے ہیں۔ اللہ انہیں ہمیشہ خوب سے خوب تر لکھنے کی توفیق عطا فرمائے۔ آمین

دوستو!بزم ادب ایک ایسا پلیٹ فارم ہے جہاں ہرطالب عالم کو کچھ نیا سیکھنے کاموقع ملتا ہے۔ ہم ایسے دور سے گزررہے ہیں جہاں علمی استعداد کے ساتھ ساتھ تحریری وتقریری اورلسانی خطابانہ انداز پر بھی عبورہونا ضروری ہے تاکہ علم وادب کے ساتھ ساتھ اپنی زبان پربھی مہارت ہو۔جب ہم کسی سے علمی گفتگوکرتے ہیں توہماری زبان لڑکھڑاتی ہے۔ بات کرنے سے کتراتے ہیں۔ ایک دوسرے کے پیچھے چھپنے کی کوشش کرتے ہیں۔جبکہ ہم میں سے ہرطالب علم سامنے والے کے ہر سوال کا جواب دینے کی اہلیت رکھتا ہے۔ لیکن اس کے باوجود ہم جواب نہیں دے پاتے کیونکہ ہم اپنے اندرہچکچاہٹ محسوس کرتے ہیں۔ احساس کمتری مبتلا ہوجاتے ہیں کہ کہیں ہم سے کوئی غلطی سرزدنہ ہوجائے۔ ایسے ہی موقع پربزم ادب آپ کا استقبال کرتا ہے۔ تاکہ اس کے ذریعے اپنی ہچکچاہٹ دورکرسکیں۔      اس لئے دوستو !اس میں بھرپور حصہ لیں۔ بزم ادب کے تحت بیت بازی، غزل سرائی، مقالہ نگاری، بحث ومباحثہ ، سوال وجواب کے علاوہ مختلف پروگراموں کے ذریعہ ہمیں اپنی صلاحیتوں کو نکھارنے کا موقع ملتا ہے۔اسی بزم ادب کے تحت آج سے چھ سال قبل ”پرواز“ نامی میگزین کا اجراءہوا تاکہ طلباءوطالبات علمی، تہذیبی وثقافتی علوم کے علاوہ تحریری میدان میں بھی اپنے قدم کو ثابت رکھ سکیں اور خلقانہ صلاحیت پیدا کرسکیں۔ اس کے لئے ہمارے اساتذائے کرام نے ادبی وثقافتی پروگرام کے ساتھ ساتھ ہماری تحریروں میں نکھار پیدا کرنے کے لئے ”پرواز“ کی شکل میں پلیٹ فارم مہیاکرایا۔ تاکہ ہم طلباءوطالبات اپنے علمی جواہر ریزوں سے میگزین کومزین کرسکیں۔ جس سے ہماری تربیت بھی ہو اور تخلیقی ترفع سے آشنا بھی۔ ہم میں سے کتنے ایسے دوست احباب ہیں جو ہندوستان کے کئی رسائل وجرائد میں اپنے مضامین تسلسل کے ساتھ بھیجتے ہیں لیکن افوس کہ اس میں شائع تودور مضمون کو بھی پڑھا نہیں جاتا بلکہ ردی کی ٹوکری کے حقدار ہوجاتی ہیں۔ ایسے ہی موقع پر ہماری اور آپ کی تربیت کے لیے یہ” میگزین“ پرواز دست دراز ہے۔ آپ تمام حضرات سے التماس ہے کہ ہرطالب علم اس میں بڑھ چڑھ کر حصہ لے اوراپنے شعبہ کے اس میگزین کو معیاری رسائل کی فہرست میں لاکھڑا کریں۔            

                شکریہ                                   

                        محمدارشد                   

                          مدیر